Tres conocidos vendedor de droga ilegal y P340,000 valor de droga el ya confisca el mga autoridad na provincia del Lanao del Sur, asegun con el policia del Jueves.
Si Police Brigadier General Romeo Macapaz, el director del Police Regional Office-Bangsamoro Autonomous Region (PRO-BAR), ya nombra lang con el uno del tres arestao suspechao como si alias Labto.
Asegun con Macapaz, con Labto y su dos cohorte ya aresta na un operacion de compra busto del Martes na Barangay Moriatao Loksadato, ciudad de Marawi, Lanao del Sur.
Asegun con Macapaz, ya confisca na posesion del tres arestao suspechao total de 50 gramos de suspechao shabu que tiene el valor de P340,000, y dinero de compra busto.
Si Macapaz ya habla, con el mga arestao suspechao y confiscao evidencia ya pone bajo’l custodia del policia na ciudad de Marawi para el documentacion y propio disposicion.
Asegun con Macapaz, ha7y planta caso contra con el mga arestao suspechao por violacion del Ley Integral de Drogas Peligrosas de 2002.
Si Macapaz ya comenda con el combinao unidades de operativas por el exitoso operacion de compra busto que ta demostra de ila persistente intencion para elimina con el comercio y uso de droga ilegal na region y tambien de ila dedicacion para el seguridad y proteccion del publico. (B. Garcia)