Setenta estudiantes el ya beneficia na distribucion del mga bag de escuela na uno del mga escuelas de elementaria na municipio del Poona Bayabao na provincia del Lanao del Sur, asegun con el militar del Jueves.
Asegun con el 5th Infantry Battalion (5IB), con el mga bag ya distribui del Martes na escuela de elementaria del Barangay Bubong na municipio del Poona Bayabao, Lanao del Sur.
Con el mga bag ya distribui el mga personajes del 5IB hunto con el Vice Alcalde Nadhja Pacala del municipio de Poona Bayabao.
Asegun con el 5IB, el distribucion del mga bags es parte del programa del Oficina de Vice Presidente Sara Duterte.
El mga recipiente estudiantes y mga maestras y maestros del escuela de elementaria de Bubong ya rendi de ila profundo gratitud con el mga personajes del 5IB, con Pacala y con Duterte por el distribucion del mga bag.
El dalida de bag de escuela hay inspira con el mga recipiente estudiantes para firmi atende clase y estudia enbuenamente. (B. Garcia)