Tres personas el ya aresta el mga autoridad na campaña contra juego ilegal aqui na ciudad, asegun con el policia local del Viernes.
El policia local ya nombra con el mga arestao personas como canda Jack Sarahan, 42; Jimson Solis, 38; y, si Jayson Pilapil, 22.
Asegun con el policia local con el tres personas ya cuji na acto ta juga juego ilegal conosido como el talang mga alas 5:37 del Jueves tarde na Sitio Xanadu, Barangay Baliwasan, en este ciudad.
Asegun con el policia, ya puede confisca na de ila posesion dos monedas de un peso que ya usa na juego de talang, y P110 sen de apuesta na diferentes denominaciones.
Con el tres arestao personas y el mga evidencia que ya confisca canila ya entrega na custodia del Zamboanga City Police Station 11 para el propio disposition. (B. Garcia)