Usa ka patay nga lawas sa lalaki ang nakit-an nga naglutaw-lutaw dapit sa may Pulauan Port sa dakbayan sa Dapitan kaniadtong Enero 25.
Ang biktima giila nga si Enerio Jaro Colot, 64 ang panuigon ug residente Sa Purok Nipa, Barangay San Pedro, Dapitan City.
Ang maong patay nga lawas sa biktima gi turn over na kini sa hingtundang nga pamilya.
Matud pa sa imbestigasyon sa Kapolisan sa Dapitan City nga ang biktima gi atake sa sa sakit sa kasing-kasing hinungdan nga kini nahulog samtang nanagat para sa iyang paningabuhian, ug wala dayun kini nila mapalgi kay kini gianod naman.
Sigon pa sa mapahayag sa anak sa biktima nga ikatulo na kini ka higayon nga giatake ang ilang amahan ug sa ikaupat maoy hinungdan sa iyang hinanaling kamatayon ug napalgan na lamang nila nga galutaw na sa kadagatan.
Matud pa sa imbestigasyon sa PNP wala usab silay nakita nga foul play sa biktima.Ug kahibaloan nga kini siya managat mao ra usa ug way kauban para sa ilang paningabuhian sa matag adlaw. (Angelica T. Obina)
(Source: CGS ZDN)