Un persona el ya aresta y valor de P428,400 droga el ya confisca mga autoridad na un campaña contra droga ilegal aqui na ciudad de Zamboanga, asegun con el policia local del Lunes.
Asegun con el policia local con el arestao suspechao ya conose como si Arielbert Delos Santos, 40 años el edad.
Asegun con el policia, con Delos Santos ya aresta na un “buy-bust operation” mga alas 11:16 del Domingo denoche na Barangay Talon-Talon, en este ciudad.
El policia ya habla, con Delos Santos enseguidas ya aresta despues que ya recivi le durante el buy-bust operation con el markao sen en cambio con un paquete de suspechao shabu con un secreta quien ya pretende como comprador de droga ilegal.
Ya puede recubri na posesion del arestao suspechao cuatro paquete de plastic que ya contene 63 gramos de suspechao shabu que tiene el valor de P428,400, un antiparra, y P200 markao sen, asegun con el policia.
Con el suspechao ya pone bajo na custodia del Zamboanga City Police Station 6 en preparacion para el plantada del formal asunto por violacion del “Comprehensive Dangerous Drugs Act of 2002. (B. Garcia, photo courtesy of Zamboanga City Police Office)