GENERAL SANTOS CITY – GIHUGTAN ang mga checkpoint ug hugot ang pagbantay sa mga vital installations ug places of convergence sa Soccsksargen, dungan sa pagpasaka sa full alert status sa PNP. Taas nga linya sa mga pasahero sa pampublikong sakyanan ang senaryo nga makita sa mga checkpoint sa GenSan, human gisaka sa full alert status ang seguridad dungan sa pagbusikad sa gymnasium sa MSU-Marawi, Domingo sa buntag nga gikamatay sa upat katao ug gikasamad 50 uban pa.
Gipaboran usab sa mga pasahero sama nilang Raymund ug Joy ang paghugot sa seguridad nga gihimo sa otoridad. Una nang, gimandu ni Police Brig. Gen Jimili Macaraeg, regional director sa Police Regional Office (PRO) 12 sa mga sakop nga hugtan ang seguridad sa ilang mga lugar nga ginsakopan. Dugang ni Macaraeg nga ang pagsaka sa alerto ang aron masiguro nga dili masubli ang maong panghitabo. (Jun Abelo)Â
