31.1 C
Manila
Wednesday, February 21, 2024

Zamboanga: Govierno del BARMM ay ayuda con mga victima de bomba na Marawi

- Advertisement -

El govierno del Bangsamoro Autonomous Region in Muslim Mindanao (BARMM) ay extende ayuda financial con mga victima de explosion de bomba na ciudad de Marawi.

Cuatro personas el ya muri y 50 otros el ya iri cuando ya rebenta un bomba durante un misa de Catolico adentro na gimnasio del Mindanao State University na ciudad de Marawi mga alas 7 del aga del Domingo.

El Ministerio de Salud, Ministerio de Servicios Social y Desarollo y otro agencias del region autonomo el ta colabora ahora con el Amai Pakpak Medical Center y oficiales desde govierno nacional y local para evalua si cosa el mga necesidades del mga victima y identifica otro forma de ayuda que puede extende el govierno del BARMM.

Ademas, el govierno del BARMM ya promete paga el gastos na hospital y intiero del mga victima.

Na un anuncio, el Hefe Ministro del BARMM Ahod Ebrahim ya enfatiza cay el govierno de transicion ta fomenta la defensa de paz y entendimiento na entero region autonomo siguiendo el renciente incidente de rebentada de bomba.

β€œTa esta came unido contra cualquier forma de violencia y extremismo que ta amenasa con el paz y harmonia del de amon sociedad,” si Ebrahim ya habla.

β€œEl govierno del BARMM ta esta completamente comprometido suporta y coopera con mga agencias de investigacion para asegura cay aquellos responsible ay recivi el castigo que ya merece sila,” asegun con Ebrahim.

El hefe ministro ta pidi con mga autoridad para conduci un exhaustivo investigacion hablando para rapidamente lleva con mga echor del crimen en la justicia.

Si Ebrahim ta motiva tamen con el mga vivientes del BARMM para esta vigilante y reporta algun suspechoso actividades o personas na propio autoridades. (B. Garcia, photo courtesy of BARMM)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -