Un individual de alto valor o high-value individual (HVI) el ya aresta y ya confisca valor de P408,000 droga ilegal el mga autoridad na provincia del Lanao del Sur, asegun con el policia del Sabado.
El policia ya identifica lang con el arestao HVI suspechao como si alias Jobare, 52 años el edad.
Asegun con el policia, con Jobare ya aresta na un operacion de compra busto mga alas 12:05 del Jueves tarde na Barangay East Kili-Kili, Wao, Lanao del Sur.
El policia ya habla, ya confisca na posesion de Jobare 60 gramos de suspechao shabu que tiene el valor de P408,000, un celpon, y P1,000 marcao dinero.
Con Jobare ya aresta el combinao personajes del policia en coordinacion con el mga agencias de inteligencia y Philippine Drug Enforcement Agency na region autonomo.
Asegun con el policia, ya detene con Jobare en preparacion para el plantada de asunto contra conele por violacion del Ley Integral de Drogas Peligrosas del 2002. (B. Garcia)