Pinangunahan ni PCOL NARCISO C. PARAGAS, ang Deputy Regional Director for Operations ng Police Regional Office 9, ang ika-8 regular na pagpupulong ng PRO 9 para sa Regional Oversight Commitee on Anti-Illegal Drugs (ROC AID) at Enhanced Managing Police Operations (EMPO) para sa taong 2026, na ginanap sa Conference Room ng Zamboanga City Police Office.
Kasama niya sa pagpupulong sina PCOL MUAMMAR A. MUKARAM Chief ng Regional Operations Division (ROD), at PCOL FIDEL A. FORTALEZA JR., City Director ng Zamboanga City Police Office. Dumalo rin ang mga Station Commanders, Force Commanders, Quad Staff, mga focal person para sa Anti-Illegal Drugs at EMPO, at iba pang opisyal ng pulisya mula sa iba’t ibang bahagi ng Region 9, sa pamamagitan ng pisikal at birtwal na pagdalo.
Tinalakay sa pagpupulong ang pagsusuri sa kampanya ng rehiyon laban sa ilegal na droga at sa pangkalahatang operasyon ng pulisya. Kabilang sa mga pangunahing paksa ang kasalukuyang sitwasyon ng krimen, mga update sa mga kasalukuyang imbestigasyon, mga tagumpay laban sa ilegal na droga at mga puslit na sigarilyo, pagtatalaga ng mga pulis sa mga paaralan, mga nakatuong operasyon ng pulisya (focused police operations), at ang epekto ng Safer Cities Initiative sa pagtugon sa walong pangunahing krimen (eight focus crimes).
Binigyang-diin ng aktibidad ang patuloy na dedikasyon ng PRO 9 at ng Zamboanga City Police Office na palakasin ang koordinasyon, pagbutihin ang mga estratehiya sa operasyon, at panatilihin ang epektibong pagpapatupad ng batas upang matiyak ang kaligtasan at seguridad ng mga komunidad.(ALgie Rojas)
Source: PNP Zamboanga City Police Office.