Nihatag og suporta ang Liloy Municipal Fire Station sa usa ka napiling estudyante isip kabahin sa Adopt-A-Scholar Initiative sa Bureau of Fire Protection niadtong nilabay nga adlaw.
Gipangunahan ang maong inisyatiba sa mga personnel sa estasyon ubos sa liderato ni FINSP Dave C. Dela Cruz, Acting Municipal Fire Marshal, aron matabangan ang mga estudyanteng nanginahanglan og dugang suporta sa ilang pag-eskwela.
Tumong sa Adopt-A-Scholar Initiative ang paghatag og tabang sa mga takos ug kabus nga estudyante aron mapadayon ang ilang edukasyon ug mas mapalambo ang ilang kaugmaon.
Sumala sa Bureau of Fire Protection, kabahin kini sa ilang paningkamot nga dili lamang pagpanalipod sa kinabuhi ug kabtangan ang ilang misyon, kondili usab ang pagtabang sa paghulma sa mas maayong kaugmaon sa kabatan-onan pinaagi sa edukasyon.(JENIFFER JR. DELICA)
Source: BFP R9 Liloy Fire Station