El Philippine Army ya instola nuevo liderato del “903rd Ready Reserve Infantry Battalion (RRIBn)” base na provincia del Misamis Occidental, asegun con el 1st Infantry Division (ID) del Martes.
El ceremonia de cambio de mando ya hace del Domingo na Campo Dominguez na municipio de Sinacaban, Misamis Occidental.
Durante el ceremonia, ya instola como el nuevo comandante del 903RRIBn con Tiniente Coronel Henry Oaminal, Sr. (Reserva), quien ya releva con Tiniente Coronel Jaime Cajigas (Reserva).
Expresando su gratitud por el oportunidad para guia, si Cajigas ya transmiti su apreciacion con todo corazon con su mga colegas por el de ila inquebrantable suporta y dedicacion.
Si Oaminal, quien tamen el gobernador del Misamis Occidental, ya habla cay importante el buen colaboracion entre el Philippine Army y gobierno provincial.
Asegun con Oaminal, el asociacion ya servi un esencial parte na desmantelada del “Guerrila Front Sendong” del “Western Mindanao Regional Party Committee” del “New People’s Army” resultando na operacion exitosa para neutraliza con mga insurgentes.
Con el ceremonia de cambio de mando ya encabesa si Major General Gabriel Viray, el comandante del 1ID.
Si Viray ya comenda con el liderato del Misamis Occidental y ya atribui con el proactivo esfuerzo para na desmantelada del ultimo restante guerrilla front na Zamboanga Peninsula y Misamis Occidental. (B. Garcia)
