Uso ka suspetsado nga tigpayuhot sa ilegal nga drugas ang nasikop sa gipahigayong drug buy-bust operation sa mga personahe sa PNP, didto sa Purok Morning Star, Brgy. Olingan, dakbayan sa Dipolog mga alas 6:32 sa gabii niadtong Marso 19, 2024.
Ang maong suspetsado giila nga si alyas “Celso”, Celso”, 60 anyos, minyo, Barangay Tanod,ug residente sa Purok Morning Star, Brgy Olingan, Dipolog City, Zamboanga del Norte.
Nasikop ang suspek pinaagi sa hiniusang pwersa sa mga personahe sa Dipolog CPS (SDET) nga gipangulohan ni PLT BERJOHN TIANOK isip lead unit,kauban ang RDEU 9, RA-ZN RID 9, ZNPDEU, 1st ZNPMFC ug 901st RMFB 9 ug sa koordinasyon sa ZN Ang PDEA 9.
Nasakmit gikan sa possession sa suspek atol sa operasyon mao ang, tulo ka piraso nga heat-sealed transparent plastic sachet sa gidudahang “Shabu” nga motimbang og 1.5 gramos nga adunay standard nga presyo nga mobalor sa P10,200, usa ka piraso sa 1,000-peso bill nga adunay serial number AR3726089, Usa ka pakete sa sigarilyo nga nagsilbing sudlanan sa shabu, ug Usa ka unit sa cellphone touchscreen nga Redmi brand nga Metallic Blue.
Ang mga nakumpiska nga gidudahang delikado nga drugas gi-turn over ngadto sa ZDN Provincial Forensic Unit alang sa qualitative ug quantitative examination.
Samtang ang suspek anaa na sa kustodiya sa Dipolog CPS alang sa tukmang disposasyon. (Medalyn U. Borja)
(Source: Dipolog CPS)