El mejorada del Departamento de Obras Publicas y Carreteras o “DPWH” con el dos camino de la granja al mercado ta permiti ahora el mas eficiente tranportacion para el comunidad agricultural na municipio de Labason, Zamboanga del Norte.
Asegun con Cayamombao Dia, el director regional del DPWH, el mga residentes y siembradores local ta beneficia ahora con el 827 metros lineal, dos esquinita cementao camino na Barangay Lawagan y otro dos esquinita cementao camino con el largor de 655 metros lineal na Barangay Kipit.
El proyecto de camino na Barangay Lawagan tiene el cantidad de P11.9 millon y P9.9 million el na Barangay Kipit.
Asegun con Dia, el proyectos del camino de la granja al mercado ya mejora el accesibilidad y conectividad na mga lejanos barrio por medio de reducida el hora del viaje con 15 hasta 20 minutos, permitiendo para alcanza na un anchao mercado y estimulando mas oportunidades para el crecida del economico local.
El mga comunidades de siembrador na Labason ya expresa gratitud por el buen camino que ta logra sila ahora usa sin lodo, polbos y dificultad para lleva de ila productos na mga grande tianggue. (B. Garcia)