28.8 C
Manila
Monday, February 26, 2024

Zamboanga: ‘Philippine Army’ ya designa nuevo comandante na ‘4SFB’

- Advertisement -

El “Philippine Army” ya inicia cambio na liderato del 4th Special Forces Battalion (SFB), un unidad de elite, base na provincial del Basilan.

Si Tiniente Coronel Adolf Ian Garceron, ya asumi como el nuevo lider del 4SFB y ay servi como el aca-nueve comandante del batallon.

Si Garceron ya releva con Coronel Bernard Samin, con quien ya designa na mas alto posicion na quartel general del Fuerza Armada del Pilipinas.

El ceremonia na cambio del mando ya conduci por medio de un tradicion consagrada del Jueves na quartel del 4SFB na Barangay Cabunbata, ciudad de Isabela, el cabesera del provincia de Basilan.

Si Coronel Rosendo Abad Jr., el “Deputy Commander” del ‘Special Forces Regiment (Airborne)” el ya oficia el ceremonia na cambio de mando na SSFB.

Si Garceron ta enfrenta un grande desapio como el nuevo designao comandante del 4SFB cay tiene trabaja mucho para ase igual o mas pa con el mga acomplisimiento de Samin.  

Aquellos quien ya atende con el ceremonia ya inclui si Brigadier General Alvin Luzon, comandante del 101st Infantry Brigade, Coronel Frederick Sales, el Deputy Brigade commander de Luzon, y otro pa mga partes interesadas. (B. Garcia, photo courtesy of 4SFB)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -