Ya tene cambio na liderato del “Philippine Coast Guard (PCG)” aqui na ciudad de Zamboanga, asegun con el PCG.
Este ya vene despues que el PCG ya designa con Capitan Larry Cendaña, como el nuevo comandante del “Coast Guard Station Zamboanga (CGSZ).”
Si Cendaña ya releva con Commander Christopher Domingo, con quien ya dale otro designacion el PCG.
Si Commodore Marco Antonio Gines, el comandante del “Coast Guard District Southwestern Mindanao (CGDSWM), amo el ya encabesa con el ceremonia de cambio del mando que ya conduci na quartel del CGSZ aqui na ciudad del Viernes.
Asegun con el PCG, si Domingo ya transferi el deberes y responsibilidades del mando con Cendaña sin problema.
Si Domingo ya recivi el “Coast Guard Outstanding Achievement Medal and Ribbon” como un reconocimiento del su buen servicio, dedicacion y contibuciones destacadas con el organisacion.
Si Gines ya expresa su confiansa na capabilidad de Cendaña para encabesa con el CGSZ por su dedicao servicio y contribuciones notables con el CGDSWM. (B. Garcia, photo courtesy of CGSZ)