El Philippine Army ya inicia cambio na liderato del 40th Infantry Battalion (40IB) base na Norte Cotabato, marcando el principio de nueva era de liderato del mando, asegun con el militar del Domingo.
Asegun con el militar, ya instola Tiniente Coronel Erwin Jay Dumaghan como el nuevo comandante del 40IB, quien ya releva con Tiniente Coronel Ronaldo Mamangun.
Si Major General Antonio Nafarrete, el comandante del 6th Infantry Division (6ID), ya encabesa con el ceremonia del cambio de mando del Miercoles na quartel del mencionao batallon na Barangay Ladtingan, Pikit, Norte Cotabato.
Na su mensaje, ya enfatiza si Nafarrete cay el evento ta simboliza mas del cambio de liderato—es un reafirmacion del inquebrantable dedicacion del batallon na su mision.
Asegun con el 6ID, el ceremonia del entrego del mando ya marka el principio del nueva era de liderato para del mencionao batallon.
El cambio de liderato es esencial para garatiza el continuidad del mission del batallon mientras ta fomenta el crecimiento, inovacion, y renovado dedicacion para exelencia. (B. Garcia)