Mga otoridad ya puede privini un incidente de bomba alli na ciudad de Lamitan, provincial del Basilan.
Este ya vene despues que uno del dos personas con el intencion para planta bomba ya muri na encuentro contra con mga soldao del Myerkoles denoche na Barangay Sabong, ciudad de Lamitan.
Asegun con Brigadier General Domingo Gobway, comandante del Joint Task Force Basilan conel muerto suspechao ya conose como si Adil Akarab, un antes myembro del grupo Abu Sayyaf y ya man hunto ya otro group de munduhin.
El tirahan ya ocuri cuando mga soldao ya alcansa canila na Barangay Sabong, ciudad de Lamitan despues que ya desbiya y nohay sila para na un checkpoint na municipio de Tio-Tipo.
Pero asegun con Gobway cay el companiero de Akarab ya puede escapa.
Si Gobway ya habla cay el mga tropa ya puede recubri un sako contenido un improvise bomba y riple Armalite y mga bala.
Si Gobway ya diriji con mga soldao para mantene el seguridad para alomenos privini mal intencion del mga mal hente, incluwido ya mga bandido y munduhin. (Bong Garcia)
