Zamboanga: Persona numero 7 mas buscada na region arestao

0
13
photo courtesy of Area Police Command-Western Mindanao Facebook page photo courtesy of Zamboanga Sibugay Police Provincial Office Facebook page

Un persona mas buscada quien tiene pendiente asunto de 73 cuentas abuso carnal el ya aresta el mga autoridad na un operacion de aplicacion de ley na provincia de Zamboanga Sibugay, asegun con el Police Regional Office-9 (PRO-9) del Lunes.

Si Police Brigadier General Bowenn Joey Masauding, el PRO-9 director, ya nombra lang con el arestao suspechao como un tal Leo, 35 años el edad, listao como el numero siete persona mas buscada na region.

Asegun con Masauding, con Leo ya aresta na un operacion de aplicacion de ley por medio de implementa’r orden de aresto mga alas 2 del Sabado tarde na Barangay Camanga, Titay, Zamboanga Sibugay.

Asegun con Masauding, si Leo tiene pendiente orden de aresto por el crimen de 73 cuentas de estatutorio abuso carnal sin piansa que ya dale el un corte del municipio del Ipil, Zamboanga Sibugay del Marso 22, 2024.

Si Masauding ya habla, con Leo ya pone bajo’l custodia del policia na municipio de Titay, Zamboanga Sibugay, para el propio disposicion.

Ya alaba si Masauding con el mga personajes del policia quien ya trabajo mucho que ya resulta na aresto del acusao. (B. Garcia)

Leave a Reply