El Alcalde John Dalipe ya conseja con el diferentes comite que coordina de ila esfuerzos para asegura el buen resulta del conducida na competicion del “Zamboanga Peninsula Regional Athletic Association (ZPRAA)” aqui na ciudad.
Si Dalipe ya conseja con el mga conciernes comite durante el hunta del “ZPRAA Organizing Committee” del Lunes na City Hall como parte na preparacion el actividad de deportes.
Durante el hunta, ya descuti sila mga asuntos sobre el estado del preparacion para del ZPRAA como el lugar donde esta mga atletas, lugar de juego, seguridad, y otros pa concierne el actividad.
El ZPRAA hay conduci aqui na ciudad desde Abril 21 hasta 27.
El evento, ta sirvi como el calificando actividad de deportes para na Palarong Pambansa que hay hace na otro mes.
Esperansao cay con el ZPRAA hay attended mas de ocho mil atletas y mga oficiales de deportes desde ocho delegaciones na region. (B. Garcia)