Un persona mas buscada na nivel nacional con premio monetario de P140,000 el ya aresta mga autoridad na un operacion de aplicacion de ley na provincia del Lanao del Sur, asegun con el policia del Domingo.
El Police Regional Office-Bangsamoro Autonomous Region (PRO-BAR) ya nombra lang con el arestao individual como si alias Thata, identificao como un persona mas buscada na nivel nacional.
Asegun con el PRO-BAR, con Thata ya aresta na un operacion de aplicacion de ley por medio de implementada de orden de aresto mga alas 5:50 del Viernes tarde na Barangay Bacolod Chico, ciudad de Marawi, Lanao del Sur.
El PRO-BAR ya habla, si Thata tiene pendiente orden de aresto por el crimen de matansa sin recomendao piansa que ya dale el un corte na Molave, Zamboanga del Sur del Febrero 12, 2018.
Asegun con el policia, si Thata envuelto na mga actividades de matansa con pago na provincia del Zamboanga del Sur.
Con Thata ya pone bajo’l custodia del Criminal Investigation and Detection Group na provincia del Lanao del Sur para el documentacion y propio disposicion. (B. Garcia)