El oficina regional del Philippine Drug Enforcement Agency (PDEA) ya destrosa total del P1.5 millones valor de droga ilegal na provincia del Zamboanga del Sur, asegun con el PDEA.
Asegun con Maharani Gadaoni-Tosoc, el director regional del PDEA, con el droga ilegal ya destrosa del Jueves na Libertad Power and Energy Corporation na Barangay Commonwealth, Aurora, Zamboanga del Sur.
Asegun con Gadaoni-Tosoc, con el mga droga ya destrosa por medio de destruccion termal en conformidad na Seccion 6, del reglamento numero uno del Dangerous Drug Board serie de 2002.
Asegun con Gadaoni-Tosoc, total de 222,4526 gramos de shabu el ya destrosa.
El manera de destruccion ta usa calor hasta 800 degrado celsius, que completamente ta destroso con el delicao droga.
Asegun con Gadaoni-Tosoc con el mga droga ilegal que ta destrosa estaba na un corte na municipio del Aurora, Zamboanga del Sur.
Si Gadaoni-Tosoc ya habla, con el mga droga que ya destrosa ya confisca el mga operativas del PDEA, y policia na serie de campaña contra droga na provincia del Zamboanga del Sur.
Asegun con Gadaoni-Tosoc, el destrosada del mga droga ilegal ya hace na presencia del mga oficiales del diferente agencias de gobierno. (B. Garcia)