Un delegacion desde’l consulado del Indonesia el ya visita na provincia de Tawi-Tawi para fomenta el relacion entre el Pilipinas y Indonesia, enfocao mejora con el relacion con el Tawi-Tawi.
Asegun Mobin Gampal, el administrador provincial de Tawi-Tawi, con el delegacion que ya visita del Jueves na capitolio del Tawi-Tawi ya encabesa si Agus Tenggono, el consulado general del Indonesia.
Si Gampal ya recivi con Tenggono y su delegacon por parte de Yshmael Sali, el gobernador del provincial de Tawi-Tawi.
Ya man hunto on Gampal na recivida con el delegacion de Tenggono el mga miembros del provincial board del Tawi-Tawi.
Asegun con Gampal, el de ila discussion ya concentra na colaboracion del varias sector, includio commercio, cultura, y turismo.
Ambos partidos ya expresa el mutual deseo para explora oportunidades de asociacion que hay beneficia con el Tawi-Tawi y contrubio na desarollo del provincia. (B. Garcia)