Tres mga objetivos de alto valor, o HVTs, el ya aresta na un implementacion del orden de registro que ya resulta na desmantelada del un cuarto de droga ileal na provincia del Zamboanga Sibugay, asegun con el Philippine Drug Enforcement Agency (PDEA) del Viernes.
El PDEA-Zamboanga Peninsula ya identifica con el mga arestao HVTs como canda alias Tahir, 18 años el edad, y el mantenedor de cuarto de droga ilegal; alias Joshua, 27, empleyado del cuarto de droga ilegal; y, si alias Dan, 27, un visita.
Asegun con el PDEA, con el tres HVTs ya aresta durante el implementacion de un orden de registro mga alas 11:10 del Jueves aga na Purok Caimito, Barangay Sanito, Ipil, Zamboanga Sibugay.
El PDEA ya habla, ya confisca mas o menos 12 gramos de suspechao shabu na cuarto de droga ilegal que tiene el valor de P81,600 y mga parafernales de droga.
Asegun con el PDEA-Zamboanga Peninsula, con el mga arestao suspechao hay planta el caso por violacion del Secciones 6, 7, 11, y 12 del Articulo 2 del Ley de Republica 9165 o mas conocido como el Ley Integral de Drogas Peligrosas de 2002. (B. Garcia)Â