El Philippine Drug Enforcement Agency-Bangsamoro Autonomous Region in Muslim Mindanao (PDEA-BARMM) ya destrosa valor de P38.2 millones droga ilegal na provincia de Sulu.
Asegun con Gil Cesario Castro, el director del PDEA-BARMM, con el droga ilegal compuesto de 5.6 kilos de shabu ya destrosa del Miercoles na Hall of Justice na Jolo, Sulu.
Asegun con Castro, el destrosada del mga shabu ya hace por medio del manera nombrao como el ārendering inertā donde con el droga ya mescla hunto na cemento.
Si Castro ya habla, con el mescla de cemento ya transforma como un monumento, simbolizando el resolucion inquebrantable del comunidad contra el amenazo del droga ilegal.
El PDEA-BARMM amo el primer oficina na entero pais ya adopta el manera de destrosada de droga ilegal que de confirmidad na reglamentos del United Nations Office on Drugs and Crime (UNODC) para el manejo seguro y desecho del mga cemical relatao na produccion de droga ilegal.
Asegun con Castro, el mga destrosao droga ilegal estaba na 97 caso ya planta na corte del Jolo, Sulu desdeāl aƱo 2022 hasta na presente aƱo, descatando el significante volumen de droga ilegal ya confisca el PDEA-BARMM.
Si Castro ya habla, con el droga ilegal ya destrosa na presencia del mga alto funccionarios del PDEA, gobierno, policia, militar, y otros sector. (B. Garcia)