Dili mominos sa P102.3 milyones ang balor sa ilegal nga drogas ang nasakmit sa hiniusang buy-bust operation sa mga otoridad didto sa Zone 7, Barangay Buaya, Dakbayan sa Lapu-Lapu, kaganihang alas 3:06 sa kaadlawon, Nobiyembre 22, 2024.
Nasikop ang suspek nga si Wilzen Messia Regalado Credo, 42 anyos, alyas “Iyas,” nga nailhan nga usa ka High-Value Individual (HVI) gikan sa Barangay Lagtang, Talisay City.
Ang maong operasyon gihimo sa City Intelligence Unit, City Drug Enforcement Unit (CDEU), Lapu-Lapu City Police Office, ug Philippine Drug Enforcement Agency (PDEA).
Diin nasakmit ang kapin sa 15 kilos sa gituohang shabu nga gisulod sa vacuum-sealed tea bags nga adunay Chinese nga pangalan nga “GUANYINWANG.”
Sa pagkakaron giandam na ang kasong kalapasan sa RA 9165 o Comprehensive Dangerous Drugs Act of 2002 batok sa suspetsado ug padayon pa usab ang imbestigasyon kung si kinsa ang tig supply sa ginadiling drugas sa dinakpan.
I via Renante Socia Lada