El mga autoridad ya aresta con un persona clasificao como “regional target-listed drug personality” na operacion contra droga ilegal na provincia del Zamboanga dell Sur, asegun con el Philippine Drug Enforcement Agency (PDEA) del Viernes.
Si Maharani Gadaoni-Tosoc, el director del PDEA-Zamboanga Peninsula, ya nombra con el arestao suspechao como si Halid Calamente, 37 años el edad y un ventero.
Asegun con Tosoc, con Calamente ya aresta na operacion de compra busto mga alas 4:55 del Jueves tarde na Purok Water Lily, Barangay Poblacion, Margosatubig, Zamboanga del Sur.
Asegun con Tosoc, ya confisca na posesion de Calamente seis gramos de suspechao shabu que tiene el valor de P40,800, un celpon, un caja de cigarillo, cuatro pedaso de P1,000 robar dinero que ya pone insima un real P1,000 markao dinero.
Si Tosoc ya habla, ya detene con el suspechao en preparacion para el plantada del caso contra conele por violacion del Ley Integral de Drogas Peligrosas de 2002.
El operacion de compra busto ya conduci el mga agentes del PDEA-Zamboanga Peninsula con el suporta del policia del municipio de Margosatubig, Zamboanga del Sur. (B. Garcia)