Total de 359 individuales el ya beneficia na “Medical Civic Action Prgram (MEDCAP)” ya conduci el 45th Infantry Battalion (45IB) hunto con el “Remote Area Medical (RAM) Philippines” na uno del mga municipios na Basilan, asegun con el militar del Viernes.
Asegun con el 45IB, el MEDCAP ya conduci del Lunes na Barangay Bato-Bato, Al-Barka, Basilan.
Asegun con el 45IB, el mga servicio ya rendi durante el MEDCAP ya inclui libre servicio medical pero hinde limitao na consultacion de mga bata y adulto, procedimiento de diagnostico, medicacion, cuidada dental, consultacion de oftalmologia, capada, fisioterapia y otro relevantes servicios medical.
Asegun con el 45IB, el evento ya inclui tamen libre cortada de pelo, actividades de juego divertido, y distribucion de chinelas que ya dale alegria y fomenta espiritu comunidad entre el mga bata.
Asegun con el 45IB, el iniciativa ya lleva el necesita servicios medical na lejanos comunidad na Al-Barka, mejorando el salud y bienestar del mga vivientes, particularmente aquellos quien tiene limitao acceso na cuidada de salud. (B. Garcia)