El Alcalde John Dalipe ya recivi na disuyu oficina na City Hall con maga lideres del Zamboanga City Indigenous Council durante el visita de cortesiya del Miyercoles.
Alegre el Alcalde cay ya mira ele unido y organisao el diperentes maga tribo del ciudad.
Asegun pa con el alcalde con ancias ta dale suporta el gobyerno lokal con el grupo por el propio bien y bienestar del vivientes.
Como en el polisa del estado, si Dalipe ya habla que el disuyu administrasyon ta reconose con el derecho del indigenous cultural communities y ya promote le cay el disuyu administrasyon ay suporta con el maga programa del mencionao komunidad por medyo del maga representante de consejo del ciudad. (Cristine Falcasantos)