Zamboanga: ‘PCG’ ya cogi 2 varco de pesca

0
9
(Photo courtesy of CGS-Zamboanga Sibugay)

El mga personajes del “Philippine Coast Guard (PCG)”, con el suporta del otro agencia de gobierno, ya cogi dos varco de pesca na un campaña contra ilegal pescada na provincia del Zamboanga Sibugay, asegun con el PCG del Miercoles.

Asegun con el Coast Guard Station (CGS)-Zamboanga Sibugay, con el dos varco de pesca ya cogi na acto envuelto na ilegal pescada del Lunes na mar del municipio de Olutanga na provincia del Zamboanga Sibugay.

El operativas del CGS-Zamboanga Sibugay hunto con el personajes del gobierno municipal del Olutanga, y policia, ya columbra con el dos varco de pesca ta cogi pescao en ilegal manera de pescada nombrao como el “hulbot-hulbot”.

Asegun con el CGS-Zamboanga Sibugay, el manera de hulbot-hulbot pescada, hinde lang ta destrosa con el recursos marino, sino ta pone tamen na peligro con el vida marino.

Con el dos varco de pesca ya ponce bajo’l custodia de gobierno municipal del Olutanga para el propio disposicion.

El CGS-Zamboanga Sibugay y otro agencias de gobierno ta intensifica el campaña contra ilegal pescada para proteje con el recursos marino del provincia. (B. Garcia)

Leave a Reply