El gobierno local bajo’l liderato del Alcalde John Dalipe ya aloca el total de P51 millon fondo para suporta con mga plano y programas para del mga siembrador y perscador local este año de 2024.
Asegun con in agricultor interino del ciudad Arben Magdugo, el alocacion de P51 millon amo el de todo grande na historia del oficina de agricultura y un manifestacion del gran preocupacion del administracion Dalipe para con el mga siembrador y pescador que es el columna vertebral del sociedad.
Si Magdugo ya habla del Viernes, el P51 millon persupuesto entendido para el produccion de agropesca y programa de modernizacion.
Asegun con Magduo, P28 millon del total fondo ay usa para compra maquinarias para agricultores mientras el candidad restante ay usa para el compre de abono y otros pa para na cultivacion de gulay con alto valor y mais.
Asegun con Magdugo, el otro oficina del gobierno local como del enginieria, tiene tamen alocacion para implementa proyectos de infrastractura relatao na agricultura.
El mga proyectos ta inclui el solar sistema de irigacion para na Barangay de Lanzones y Tolosa. (B. Garcia)