El numero cinco bien “wanted” persona na Region 7 ya aresta mga autoridad aqui na ciudad de Zamboanga, asegun con el policia local del Viernes.
El policia local ya nombra con el arestao bien wanted persona como si Jowel Kadil alias Waray, 48 años el edad y residente del Barangay Camino Nuevo, en este ciudad.
Asegun con el policia, con Kadil ya aresta na un operacion de aplicacion de ley mga alas 8:55 del Jueves denoche na Paseo de Faustino, Barangay Mampang, en este ciudad.
El policia ya habla, si Kadil tiene pendiente orden de aresto por el crimen de asesinato frustrado (frustrated murder) con P200,000 piansa que ya dale el un tribunal del ciudad de Lapu-Lapu, Cebu del Mayo 22, 2023.
Si Kadil ya esta bajo’l custodia del Zamboanga City Police Station 7 para el propio disposicion. (B. Garcia)