El gobierno local ya distribui P12.3 millones incentivo con 6,171 persona mayores desde’l cuatro del 98 barangays na ciudad de Zamboanga.
Asegun con el Alcalde John Dalipe, quien ya encabesa con el distribucion del incentivo, el distribucion ya conduci del Jueves hasta Viernes na gimnasio del Don Pablo Lorenzo Memorial High School y na covered courts del Baliwasan Central School y Tumaga Central School.
Asegun con Dalipe, cada uno del 6,171 beneficiarios ya recivi P2,000 que ta cubri el incentivo para el primer y Segundo cuartos del 2024.
Si Dalipe ya habla, 3,076 del total 6,171 beneficiarios mga residentes del Barangay Sta. Maria, 1,895 de Baliwasan y 1,200 de Tumaga.
Asegun con Dalipe, el dalida del P1,000 incentivo cada cuarto con mga residentes quien tiene el edad de 60 y mas es uno del mga iniciativas del su administracion en liña con el dedicacion para el bienestar y proteccion del mga personas mayores na ciudad de Zamboanga. (B. Garcia)