El Departamento del Obras Publicas y Carreteras, o DPWH, exitosamente ya completa el construccion del P39.2 millones estructura de mitigacion de inundacion na provincia del Zamboanga del Norte, asegun con el DPWH del Sabado.
Asegun con el DPWH-Zamboanga Peninsula, el proyecto ya construi na Rio de Piacan na Barangay Piacan, Sirawai, Zamboanga del Norte.
El DPWH ya habla, el proyecto tiene el total largor de 292 metros lineales y caracteristicas de un metro elevacion de tierra diseƱao para separa y proteje con el lugar contra agua de inundacion.
āEste estructura ha actua como el primer liƱa de defensa, asegurando el seguridad de ambos vidas y propiedades na vicinidad,ā el DPWH-Zamboanga Peninsula ya habla na un declaracion.
El fondo de P39.2 millones para el implementacion del proyecto estaba na Ley de Asignaciones Generales de 2023.
Con el proyecto ya implementa el Oficina del aca-cuatro Distritio de Ingenieria del DPWH na provincia del Zamboanga del Norte. (B. Garcia)