Un rebelde New People’s Army (NPA) el ya aresta mga otoridad durante un campanya contra “wanted” persona na provincia del Zamboanga del Sur, el pulisiya ya anuncia del Huwebes.
Asegun con el mando rehyonal del pulisiya con el rebelde NPA ya aresta el combinao grupo de pulis y soldao mga alas 2 del Miyercoles tarde na Barangay San Pedro, Dumingag, Zamboanga del Sur.
El pulisiya ya nombra con el arestao rebelde NPA como si Jelboy Andata Senara alias Zoren, 27 años el edad y residente del Purok 4, Barangay Saad, Dumingag.
Asegun con el pulisiya cay si Senara tiene pendiente order de aresto por el crimen de “attempted murder” con P120,000 piansa que ya dale el un jusgado del ciudad de Dipolog, Zamboanga del Norte del May 3, 2023.
Si Senara es un siguidores del “Guerrilla Front Big Beautiful Country” del NPA.
Con Senara ya pone bajo el custodiya del pulisiya na municipio del Sergio Osmeña, Zamboanga del Norte.
(B. Garcia; photo credits to the owner)