Sinco myembros del grupo Abu Sayyaf ya rindi con mga otoridad na provincia del Basilan.
El sinco myembros del grupo Abu Sayyaf ya rindi del Miyercoles y ya ase posible por medio del colaboracion y esfuerso del 18th Infantry Battalion, Joint Peace and Security Team y del govierno local del Basilan.
Despues de ila rindida, con el sinco ya presenta con Brigadier General Alvin Luzon, el comandante del 101st Infantry Brigade, na Campo Luis Biel, III na Barangay Tabiawan ciudad de Isabela el cabesera del provincia de Basilan.
El sinco myembros del Abu Sayyaf quien ya rindi ya conose como el mga siguientes: Ammeng Lakibul Ahamsirul, 61; Musaifil Alamsirul, 23; Rajim Arakani Barahim, 28; Arman Kahaki Misa, 24; y si Jajilun Aranan Hussin.
Ya entrega sila sinco pusil de alta calibre que ta incluwi dos riple M-16 Armalite, uno Garand, uno grenade launcher y uno riple AR-15.
Asegun con Luzon cay el rindida del sinco myembros del Abu Sayyaf es un resulta tamen del continuando ofensiva del mga soldao y efectivo controlada del recursos que ta sangga con el suporta estaba na dila mga “supporters”.
Si Luzon ya habla cay ay pone canila bajo el program del govierno nomobrao como el “Enhanced Comprehensive Local Integration Program (ECLIP)” para puede sila recivi ayuda finaicial para busca lavida.
(B. Garcia)
(Photo Courtesy of 101st Infantry Brigade)
