Un oficial del policia el ya muri na un accidente vehicular na provincia del Zamboanga del Sur, asegun con el policia del Lunes.
Asegun con el policia, el accidente vehicular ya ocuri mga alas 5:50 del Domingo aga na Purok Bagong Silang, Barangay Lower Pulacan, Labangan, Zamboanga del Sur.
El policia ya nombra con el fatalidad como si Tiniente Rymer Aries Pernito, 52 años el edad, y designao na Zamboanga del Sur Provincial Intelligence Unit.
Base na investigacion, si Pernito ya man banga na un pono despues que ya revala na su mano el manibela cay ya ataka conele de corazon mientras ta maneja le su vehculo.
Asegun con el policia, ya lleva con Pernito na hospital pero ya declara con ele muerto el doctor.
Asegun con el policia, si Pernito de camino para na quartel provincial del policia na ciudad de Pagadian cuando ya socede el accidente. (B. Garcia)