Ya principia ya trabja este dia de Lunes el 1,503 estudiantes de segundaria, quien compuesto del primer grupo de beneficiaries del Special Program for the Employment of Students (SPES) para esta año.
Con el mga estudiantes de sgundaria ya designa na diferentes oficina y barangay de ciudad.
Asegun con el Alcalde John Dalipe, el gobierno local ya aloca P17 millon fondo para el programa del SPES este año.
El SPES es un programa del gobierno local y oficina regional del Departamento de Trabajo y Empleyo con el intencion para ayuda con mga menos privilegio pero mga mereciendo estudiantes y jovenes fuera de escuela.
El programa ta dale 20 dias oportunidad de trabajo con mga estudiantes, donde cada un benficiario hay recivi P590.13 salario cada dia, o total de P11,802.60 durante el periodo del programa.
Durante el de ila orientacion del Viernes, si Dalipe ya encoraja con mga beneficiaries del SPES para toma todo ventaja conel oportunidad y completa de ila responsibilidad, empatizando si quemodo sila de suerte ya queda parte del programa.
Durante el orientacion, ya descuti sila mga critical aspeto para prepara con mga estudiantes aserca el de ila trabajo y responsiblidad.
El sueldo del primer grupo de beneficiaries hay paga completamente el gobierno local por medio de Oficina de Servicio Publico de Empleo. (B. Garcia)