Ang mga opisyal sa Bjmp Dipolog City Jail Male Dormitory, nagkapundok alang sa usa ka Coastal Clean-Up Drive, nga nahisubay sa Tema nga “Nagkakaisang Kawanihan at Pamayanan Tungo sa Bagong Pilipinas”, usa ka saad alang sa kadagatan,pagpanglimpyo, pagsuporta sa ika-13 nga Community Service Relation Month,nga gipahigayon mga 6:30 sa buntag niadtong Hunyo 1,2024,didto sa Purok Krismus, Brgy. Bucana, Sicayab, dakbayan sa Dipolog.
Si City Jail Warden, JCINSP ARVIN DAN R AGUITO, kinsa nagdumala sa maong kalihokan, pinaagi ni Asst. Jail Warden JINSP LARRY A RECAMARA, ug JINSP REYMAR P DEL VALLE, Chief Admin Unit.
Sa maong kalihokan, 15 ka mga Personnel sa Bjmp Dipolog CityJail Male Dormitory ang nisalmot,ug ang mga grupo naka kolekta ug 3 ka sako nga gisagol nga basura, lakip ang mga plastik, lampin, baso ug uban pang basura, ug gilabay kini sa husto sa usa ka lugar.
Gi isip kini nga usa ka pagpasiugda sa environmental stewardship, community engagement ug collaboration para sa mas limpyo, mas himsog nga Pilipinas. (Medalyn U. Borja)
(Source: BJMP Dipolog City Jail Male Dormitory)