Ya distribuji semilla de tilapia, el Oficina del Agricultor del cuidad (OCA), por medio del Research Division, es parte na suporta para na aquaculture de agua dulce (freshwater aquaculture) y busca lavida del maga pescadores y simbradores na Barrio Curuan y Barrio Quiniput, ciudad de Zamboanga.
Total de seis mil (6,000) semilla de tilapia, estaba na Oficina de Pesca y Recursos Acuaticos del Region IX (BFAR-IX), el ya comparti con canda Raul Ledesma y R.J. Nuñez desde Barrio Curuan.
Mientrastanto, adicional doscientos (200) semilla, estaba tambien na Oficina del Agricultor del ciudad, que ya proporciona con Edna Francisco desde Barrio Quiniput.
Con el actividad, ya encabeza el OCA Research Division bajo na liderato del Division Chief Nurhusin Sapaih y Assistant Division Chief Jonathan I. Caguiat, junto conel personajes de division y Curuan Agricultural Field Office.
Asegun, con el Oficina del Agricultor del ciudad, cay continua sila proporciona apoyo tecnico y otros necesidades asistencia para mas mejora el buscada lavida del agricultores y na mismo tiempo promove tambien el un sostenible desarollo de aquaculture na ciudad de Zamboanga. (Keith Luna)