Gipasidunggan sa Cebu Provincial Board (PB) ang mga organisador ug mga kaabag nga mipalambo sa unang Governor’s Zero Hunger Run nga gihimo niadtong Agosto 2. Ang pag-ila gihimo atol sa regular nga sesyon sa PB niadtong Agosto 3.
Pinaagi sa Resolution No. 127 nga gisulat ni PB Member Malcolm Sanchez, gidayeg ang Cebu Provincial Sports Commission, Velocity 3, Team ADR, ug Megatech PH isip mga nag-unang organisador sa maong kalihokan.
Giila usab sa Provincial Board ang tabang sa mga opisina sa Cebu Capitol, partner agencies, lokal nga kagamhanan, mga sponsor, boluntaryo, ug liboan ka mga partisipante nga nakatampo sa kalampusan sa maong dagan.
Matod sa PB, ang kalihokan nagpalig-on sa paningkamot sa Probinsya sa Cebu sa pagpalambo sa kahimsog, panaghiusa sa komunidad, ug programa batok sa kagutom. Ang halin sa maong dagan gamiton aron suportahan ang mga proyekto alang sa food security ug maayong nutrisyon sa mga Sugboanon.
I via Renante Socia Lada