Un obrero el ya aresta el mga autoridad na un campaña contra droga ilegal aqui na ciudad de Zamboanga, asegun con el policia local del Lunes.
Asegun con el policia local, con el arestao suspechao ya conose como si Junrel Cabarles, 39 años el edad y resident de Barangay Calarian.
Asegun con el policia, con Cabarles ya aresta na un “buy-bust operation” mga alas 12:31 del Lunes madrogada na Barangay San Roque, en este ciudad.
Asegun con el policia, enseguidas ya aresta con Cabarles despues que ya vende le un diutay paquete de suspechao shabu na cantidad de P200 con un secreta del policia.
El policia ya habla, ya puede recubri na posesion de Cabarles suspechao shabu que tiene el valor de P1,500, y P200 markao sen.
Con Cabarles ya detene en preparacion para el plantada del asunto contra conele por violacion del Comprehensive Dangerous Drugs Act of 2002. (B. Garcia)