El Bangsamoro Autonomous Region in Muslim Mindanao ya completa el construccion del P12 millon proyectos de infrastractura na tres barrio del Midsayap cluster na Special Geographic Area (SGA) del BARMM.
El mga proyectos, que ya completa del otro semana, ta inclui dos andanas barrio hall na Damatulan, centro de actividades de comunidad na Olandag, y nivel dos de sistema de agua potable na Mudseng.
Asegun con el BARMM, el barrio hall na Damatulan, que ya costa P3.5 millon, hay sirvi como el centro de govierno mientras del centro de actividades de comunidad na Olandag ay sirvi como un lugar de reunion y actividades de recreacion.
El P3 millon nivel dos de sistema de agua potable na Mudseng, que hay funciona con energia solar, tiene cuatro comon gripo que ya pone na diferente lugar para sirvi con el comunidad.
El construccion del tres proyectos de infrastractura es parte del esfuerzo na liderato Ahod Ebrahim, el hefe ministro del BARMM.
El govierno del BARMM tiene el objeto cay todo vivientes ay beneficia con mga proyectos de infrastractura que ta implementa na region autonomo. (B. Garcia, photo courtesy of BARMM)