29.6 C
Manila
Friday, April 19, 2024

Zamboanga: 1 muerto, 2 irido na banggaan de un trak y motorsiclo

- Advertisement -

Uno persona el ya muri y dos otro ya iri despues que ya man banggaan el un trak y motorsiclo na carretera del Maria Clara Lorenzo Lobregat en este ciudad, asegun con el policia local del Lunes.

Asegun con policia local, el incidente ya ocuri mga ala 1:30 del Domingo tarde na Sitio Mulawin, Barangay Mangusu, en este ciudad.

El policia ya identifica con el fatalidad como si Jaymie Fernandez, con quien ya declara muerto el doctor cuando ya llega na hospital.

Con el dos irido victima ya conose como canda Leo Jae Francisco, 23 años el edad, y si Eutimio Francisco.

Base na invesgitacion del policia, ta maneja motorsiclo si Leo Jae y ta sigi conele ancas canda Eutimio y Fernandez cuando ya man bangga sila con un trak que ta maneja si George Balingit, 67 años el edad.

Mas pa del investigacion, ya socede el banggaan despues que ya guinda el motor na lao del camino donde ta pasa el trak mientras igual sila ta pasa na curvada del camino.

Asegun con el policia, nohay pasa nada con Balingit maskin ya causa destroso ambos con el trak y motorsiclo por causa na puersa del banggaan. (B. Garcia)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -