El mga autoridad ya aresta na un operacion de aplicacion de ley con el uno del mga personas mas buscada na Zamboanga Peninsula, asegun con el policia del Miercoles.
El mando regional del policia, o Police Regional Office-9 (PRO-9), ya nombra con el arestao persona mas buscada como si Francisco Tagapan.
Asegun con el PRO-9, si Tagapan listao como el numero siete persona mas buscada na Zamboanga Peninsula y como el numero sinco na provincia del Zamboanga del Sur.
Asegun con el policia, con Tagapan ya aresta mga alas 9:18 del Lunes denoche na Purok Bagong Silang, Barangay Diplo, Kumalarang, Zamboanga del Sur.
Asegun con el policia, con Tagapan ya aresta por medio del virtud de orden de aresto de dos cuentas estatutorio abuso carnal que ya dale el un corte na ciudad de Pagadian, Zamboanga del Sur.
Con Tagapan ya pone bajo’l custodia del Criminal Investigation and Detection Group-Zamboanga del Sur Provincial Field Unit para el propio disposicion.
Si Police Brigadier General Bowenn Joey Masauding, el director del mando regional del policia, ya alaba con el mga operativas por el exitoso areso del uno del mga personas mas buscada na region. (B. Garcia)