El mga autoridad ya aresta con el numero cuatro persona mas buscada na ciudad de Dipolog, Zamboanga del Norte, na un operacion de aplicacion del ley, asegun con el policia del Jueves.
Si Tiniente Coronel Helen Galvez, el portavoz del mando regional del policia, ya identifica con el arestao persona mas buscada como si Mark Stephen Daymiel, de legal el edad.
Asegun con Galvez, con Daymiel ya aresta na un operacion de aplicacion de ley por medio na implementacion del un orden de aresto mga alas 4:20 del Miercoles tarde na Purok Gampis, Barangay Sicayab, ciudad de Dipolog.
Asegun con Galvez, si Daymiel tiene pendiente orden de aresto sin recomendao piansa por el crimen de estatutorio abuso carnal que ya dale el un corte na ciudad de Dapitan del Noviembre 4, 2024.
Si Galvez ya habla, con Daymiel ya pone bajo’l custodia del policia na ciudad de Dapitan para el propio disposicion. (B. Garcia)