El Philippine Drug Enforcement Agency na Bangsamoro Autonomous Region in Muslim Mindanao (PDEA-BARMM) hunto con el agencias asociadas del fuerzas de orden ya incinera valor de P55.6 millones de droga ilegal del Miercoles na un facilidad na Sultan Kudarat, Maguindanao del Norte.
Asegun con Gil Cesario Castro, el director del PDEA-BARMM, el incinerada del mga droga illegal es un esfuerzo monumental por salvaguardar con el bienestar del mga ciudadanos desdeāl efectos del peligroso drogas.
Asegun con Castro el volumen del drogas peligrosas que ya destrosa sila tiene el pesades de 8,172,724.7 gramos que tiene el valor de P55,626,371.88.
Asegun con Castro, el volumen del drogas peligrosas que ya destrosa del Miercoles es uno del mas grande que ya dispone sila, reflejando un inquebrantable dedicacion y determinacion del gobierno del BARMM y instrumentalidades de protejer vidas y fomentando un buen futuro para del mga vivientes na region.
El destrosada del mga droga ilegal del Miercoles amo el segunda vez durante el termino de Castro como el director del PDEA-BARMM.
El primero ya hace del Abril 24, 2024 na provincia del Sulu donde mas the P65 millones valor de droga ilegal el ya destrosa.
āCon este cantidad considerable de drogas ilicitas ya eradica, ta salva came innumerables vidas desdeāl peligro del substancias ilegal,ā si Castro ya habla.
Asegun con Castro, el significante action alineao con el directiva del Ley Integral de Drogas Peligrosas de 2002 y reglamento numero uno, serie de 2002 del junta de drogas peligrosas. (B. Garcia)