Si Teniente Coronel Roland Vargas Jr., el comandante del 53rd Infantry Battalion (53IB), ya enfatiza el importancia de estrictamente cumpli con el protocolo relatao na operaciones de checkpoint y el en curso Comelec gun ban en anticipacion del ta aproxima elecciones local y nacional 2025.
Ese el enfasis de Vargas cuando ya visita le del Jueves con el mga milicianos na base de patrulia del Barangay Bag-ong Argao, Molave, Zamboanga del Sur.
Si Vargas ya acentua el papel critic de mantener seguridad y orden durante el importante periodo, llamanda con todo personajes para esta vigilante y proactivo na de ila deberes.
Ademas, si Vargas ya descata el principios rectores del batallon que es el mga siguientes: mision, accion, trabajo en grupo, acomplicimiento, profesionalismo, reconocimiento, y libre de toxicos.
“El valores es esencial para el exitoso operacional del batallon y ayuda fomenta un grupo disciplinao, cohesivo, y eficiente,” si Vargas ya habla na un anuncia.
El visitada de Vargas tiene el objective reinforsa mga clave guia operacional y asegura todo personajes ta esta aliñao con el valores fundamentals y responsibilidades del batallon. (B. Garcia)