Si Brigadier General Leonardo Peña, el nuevo instolao comandante del 11th Infantry Division (11ID), ya delineada su filosofia de mando, enfatizando el significancia del familia y fe, acomplisimiento del mision y fomenta disiplina de su mismo cuerpo ambos crecimiento personal y organizional para impulsar el exito continuo y exelencia.
Si Peña ya delinea su filosofia de mando cuando ya conversa le con el mga soldao na quartel del 11ID na Campo Teodulfo Bautista del Sabado na Barangay Busbus, Jolo, Sulu.
Con Peña ya instola como el nuevo comandante del 11ID del Viernes y ya releva le con Major General Ignatius Patrimonio, quien hay retira na servicio militar na Agosto 14.
Ya motiva si Peña con el mga tropa del 11ID para toma oportunidad que ta promove personal y desorollo profesional, enfatizando el valor del inversion na sabidoria y habilidades.
Si Peña ya reafirma tamen su promesa na futuro plano del 11ID, concentrando na mejorada del mando y impulsando el moral del mga tropa.
“Taqui yo como de ustedes tata, educator, y disciplinario. Debe queda kita el ejemplo del cosa quita ta desea mira con el de aton mga anak y futuro generaciones. Junto, hay continua kita acomplici grandes cosas, estando proactivo na esfuerzos de paz y iniciativas de desarollo dentro na de aton lugar de responsibilidad,” si Peña ya habla. (B. Garcia)