30 C
Manila
Friday, March 29, 2024

Zamboanga: Notorioso drug pusher muerte, otro uno arestao

- Advertisement -

Un notorioso drug pusher ya muri myentras otro suspechao ya aresta mga otoridad na dos separao campanya contral droga ilegal aqui na ciudad.

Asegun con Police Colonel Alexander Lorenzo, Zamboanga City Police Office (ZCPO) director, cay si Reynante Alvarez, sincuenta’y cuatro anios el edad, ya muri na tirahan contra con mga operativas del gobyerno mga alas seis cuarenta’y sinco anoche alli na Barangay Tugbungan.

Asegun con Lorenzo cay ya ocuri el tirahan cuando si Alvarez ya invisti con mga personajes del pulisiya y Philippine Drug Enforcement Agency durante el campanya contra droga ilegal.

Si Lorenzo ya habla cay si Alvarez listao como el Top 5 personalidad na asunto de droga ilegal del pulisiya y PDEA aki na ciudad.

Si Lorenzo ya habla cay mga operativa ya recubri mas or menos sincuenta gramos de suspechao shabu que tiene el candidad de tresientos mil de pesos, un bundle del boodles money que ya pone inisima un verdadero mil peso como el markao dinero, siento sincuenta pesos sen de diferente denominacion, un calibre 9-millimter pistola con bala, motorsiclo, ocho diferente clase de I.D., cuatro llabe, un portamoneda, y basiyo pakete de cigarillo.

Con el suspechao que ya puede aresta na separao campanya contra droga ilegal ya conose como si Alejandro Buico, cuarenta anios el edad.

Asegun con Police Major Ramon Aquitan, hijo, hefe del Police Station 5, cay con Buico ya aresta mga alas dose treynta’y uno ayer na Purok 3A, Barangay Sta. Catalina, este ciudad.

Mga pulis ya puede recubri na posesyon de Buico mas o meos dos gramos de suspechao shabu con el valor de trese mil seis sientos pesos, y dosientos markao sen.

Si Buico detenido ahora na Police Station 5 pendiente el formal plantada de asunto contra conele. (April Boy Regino) (Photo Courtesy John Dalipe FB Page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -