El Naval Installation Facilities-Western Mindanao (NIF-WM) en coordinacion con el Departamento de Obras Publicas y Carreteras, o DPWH, ta construi dos andanas Bachelor Officers’ Quarters (BOQ) na Naval Station Romulo Espaldon (NSRE), na ciudad de Zamboanga.
El BOQ hay servi como el casa del mga oficiales, quien mga residentes de otro lugar, designao na NSRE que ta servi como el quartel del Naval Forces Western Mindanao (NFWM) na Calarian, ciudad de Zamboanga.
El construccion del proyecto es bajo el programa de Tatag ng Imprastraktura para sa Kapayapaan at Seguridad (TIKAS) que es un colaboracion del Departamento de Defensa Nacional y DPWH.
El objetivo del proyecto amo para mejora con el capabilidades del defensa y seguridad del Fuerza Armada del Pilipinas por medio de mejorar mga infrastractura dentro na mga base militar na entrero pais.
“Este BOQ hinde lang este un edeficio; un lugar este donde el de aton mga oficiales puede encontra comfortabilidad y consuelo, un lugar que hay alimenta de ila bienestar mientras ta dedica sla de ila cuerpo para na servicio del de aton nacion,” ya habla si Comander Henry Maglasin, Jr., el comandante del NIF-WM.
El ceremonia de innovador ya conduci del Jueves que ya encabesa si Rear Admiral Francisco Tagamolila, Jr., el comandante del NFWM, hunto con Maglasin y Ingeniero Antonio Gonzales del oficina regional del DPWH. (B. Garcia)